Valikko

Pegâlmâs


Kuvaus:

Puohajeijee uáppáásm tehálumosáid várdámmainâsáid (B-P maainâs, Pyhä Yrjö maainâs, Kim maainâs, Maainâs cuobbust lahčâábbárist) já toi máttááttâssáid.

Tiedot

Pakollisuus Páguliih
Paikka Kämpällä Kololla Metsässä Ulkona
Taitoalueet Partiokulttuuri
Johtamistaito johtamistaito.visiointitaidot
Kesto A 1 h
Kasvatustavoitteet Maailmankatsomus Yhteisöön kuuluminen

Lisätiedot

Aktiviteettiryhmä

Tave

Ryhmän muut aktiviteetit

Toteutusvinkit

Järjestys: Viimeisimmät

  Ohtii aasâi Lontoost kandâ, kiän nommâ lâi Robert. Eenâb ko škovlâjotteem, Robert kiäsuttii uccâ leikkušmeh já škoovlâ alda uccâ meecist sij utkii ain suotâs hommáid. Ohtii, táválii ahevub matematiik tijme ääigi kaandah vuordii puudâ iäljárávt. Viijmâg tot aalgij. Puohah riemmii miäcán, kost lâi kieldum eelliđ škovlâpeeivi ääigi. Ton peeivi sij meridii sierâdiđ uđâsässeid. Kaandah várdájii já piärttojii, tutkii ulmui kyeđđim meerhâid já ellei luodâid. Vahtiittâhalmaah lijjii vahtimin já váárutmin eres juávhu tađe várás, ete jis mottoom skelmâ ruopsisliškemáttáátteijee ličij vahâgist vuáttám sii. Kaandah pieijii meeci elleid kielâid ton ääigi, ko iäráseh cokkiittii tuulâ vâi puáhtá passeeđ saallâs. Siämmást kullui vahtiittâhalmaa njurgim. Rehtor lâi aldanmin uđâsässei aassâmsoojijd. Jotelávt časkâttiđ tuulâ já luodah čiähusân. Jotelávt kaandah kuárŋulii muoráid čiähusân já tuoivuu, ete julme ruopsisliškerehtor lavkkiiččij mottoom kielân, mii lâi elleid uáivildum. Rehtor ij kaandâi hemâdâssân pááccám kielân, mutâ ij meid kaavnâm uđâsässeid, ko juurdij, ete sij láá čiähusist miestui siste ijge sun hoksám keččâđ pajas muoráid.   Robert lâi ain halijdâm suáldáttin já peesâi 19-ihásâžžân suáldátakatemian. Ko sun valmâštui tobbeen te sun vuolgij vistig Intian já talle Afrikân. Ko sun maacâi kuhes ääigi maŋa Lontoon te sun teeivâi puáris ustev, kiäst lâi sunjin oppeet uđđâ pargo. - Robert, mii olâttâsâid! – Na mutâ George! Puáđi čokkáđ muu peevdi piällán. Muái pyehteen puurrâđ peivimáállás oovtâst, ko iän lah uáinám muáddi ive ääigi. – Kale maailm lii ucce, eeđâi George. Onne iiđeed mun čokkájim toimâttuvâst vuolgâtmin tunjin häppiltelegram Intian, vâi tun macâččih tállán Englandân. Já tääl tun jo lah tääbbin. Tuođâi jotelávt märssejum! - Na, mutâ mane nuuvt huáppu, koskâldittij Robert suu ustev. – Jáá, jiemba pyevti mainâstiđ tunjin tääbbin, mutâ vyelgeen suátiministeriön. Já nuuvt suái vuolgijn.  Robert finnij pargon vyelgiđ jo čuávvoo vástuppeeivi Maadâ-Afrikân, Mafeking kaavpugân, kost buurih lijjii tovâttâm liävuttemesvuođâid. Robert riäidudij kaavpug nurâmáin purrâmuš já pissoid. Suáti piištij kuhháá já buurih pirâstittii kaavpug maaŋgâ mánuppaje. Robert vaibâškuođij já moonâtškuođij tuoivuu.  Mottoom eehid ovdâkoddehovdâ iävtuttij: – Maid jis mij väldip Mafeking kaandâid iššeen? – Kaandah, pallai Robert, jiemhân mun pyevti kivriđ paarnijd suátán. – Jieh tiäđust-uv, mutâ mij puávtáččijm kevttiđ sii viestâtuálvon já návt lyeštiđ almaid eres pargoid. Robert smietâi ääši. – Jurdáh-uv, ete mij pyehtip lyettiđ sijjân? Mun uáivildâm, ete sij iä moonât ruokkâdvuođâs tehálii muddoost. – Muštáh-uv jieijâd kandâiivijd? Jis tun liččih talle finnim pargo, liččih-uv piättám? Muáddi peeivi maŋeláá stuorrâ kandâjuávkku almottâđâi rijjâtátulâžžân já selvânij, ete Mafeking kaandah iä piättám tehálii muddoost. Ohtii mottoom havvâšum kandâ piivdij peessâđ savâstâllâđ eeveerst Baden-Powellijn: – Mun táátum tuše kijtteđ, ete ožžum leđe mieldi piäluštmin mii kaavpug. Tij eppee piättám mii kaandâid, peic luotijd mijjân! Ehidist Robert čaalij suu peivikiirján: ”Tot tärkkivuotâ, moin kaandah láá porgâm pargoidis, lii lekkâm muu čoolmijd. Jis addel kaandân ovdâsvástádâslii pargo já addel sunjin luáttámuš, te sunjin puáhtá meid lyettiđ!” Maŋeláá Robert Baden-Powell maacâi Englandân sáŋgárin. Sun lâi huolâstum tast, ete maht maaŋgah kaandah lijjii astoääigi vááijuv olmâ puđâldâs. Mafeking tábáhtusah muštoost Robert halijdij tääl leŋgiđ kaandâid ráávhu idea palvâleijen já adeliđ sijjân jiäráskittee kaandâi feerimijd.  Já návt tollui Brownsea suollust vuossâmuš várdámleirâ.  Forgâ pieijii joton várdámtooimâ pirrâ eennâm já meid nieidah halijdii fáárun. Robert Baden-Powell kyeimist Olavest šoodâi várdámnieidâi jođetteijee.

Lisää vinkki

Liite