Valikko

Várdámvuáhádâh

Várdámvuáhádâh lii vuovij olesvuotâ, mon várdámlihâstâs lii ovdedâm vâi jukseh várdámtooimâ šoddâdemulmijd já ton peht várdámtooimâ ulme olášume. Syemmilâš várdámvuáhádâh vuáđuduvá maailmseervij WAGGGS já WOSM várdámvuáháduvváid. Várdámvuáhádâhân kuleh

Čonâdâttâm várdámtooimâ árvoid

Várdájeijee lopádâs, ideaaleh já tubdâldâh kovvejeh várdámtooimâ áárvuid. Toi peht várdájeijee čonâdât várdámtooimâ árvoid.

Symboliik

Várdámsymboliikân kuleh toimâvyevih, siskáldâsah já tiiŋgah, main lii ohtâsávt iberdum merhâšume. Symboliikkáin lahteh paarnijd já nuorâid jieijâs juávkun, lippukoodán sehe maailmvijđosii várdámlihâstâsân.

Ovdánem ain ovdâskulij

Juáháš finnee várdámtooimâst sunjin tuárvi hástulijd pargoid. Ahemuudon heivejeijee ohjelm iššeed šoddâđ.

Čuurâvuáhádâh

Várdámtooimâst tuáimih viärdásâšjuávhuin, main merideh oovtâst aašijn já jyehih ovdâsvástádâs. Tain smaavâjuávhuin pärni já nuorâ šaddeh toimâđ juávhu jesânin.

Rähtimáin oppâm

Rähtimáin oppâm lii päärni já nuorâ luándulii vyehi oppâđ. Várdámtooimâst uáppih feerimij já rähtim peht.

Rävisolmooš toorjân

Várdámtooimâst päärnih, nuorah já rävisulmuuh tuáimih oovtâst. Rävisolmooš lii tuárjumin päärni já nuorâ šoddâm, uásálistem já vaikuttemmáhđulâšvuođâid.

Peeivi šiev pargo

Várdámtooimâst pärni já nuorâ šaddeh väldiđ ovdâsvástádâs alnees já iärásijn. Nuubij pyereestvajemân  čyeccee toimâ palvâl siärvuslâšvuođâ já siärvusijd.

Toimâ luándust
Várdámtooimâst pärni já nuorâ tuáimih luándust. Luándu lii feerimijd pyevtitteijee toimâ- já oppâmpiirâs.